උදෑසනට සුදුසු බීම වර්ග

උදෑසනට සුදුසු බීම වර්ග

0 1425

උදෑසනම දවස ආරම්භ කරන ඔබ පෝෂ්‍යදායී ආහාර ගැන දෙවරක් සිතිය යුතුමයි. මෙහි දැක්වෙන ආහාර කිහිපයක් හෝ උදෑසනට ගන්නේ නම් ඔබේ ජීවිතය වඩාත් සෞඛ්‍යසම්පන්න කරගන්න පුළුවන්.

දෙහි සමඟ මී පැණි
මඳ රස්නෙ දෙහි යුෂ පානයක් හෝ මී පැණි මිශ්‍ර පානයක් මඟින් ජීර්ණ ක්‍රියාවලිය විධිමත් කරමින් ප්‍රතිශක්තිය වර්ධනය කරවයි. මේ හේතුවෙන් සිරුරේ බරද පාලනය කළ හැකියි.

කරපිංචා
ආහාර හා පෝෂණය පිළිබඳ පර්යේෂණ මඟින් තහවුරු වන්නේ කරපිංචා රුධිර ගත සීනි මට්ටම පාලනය කරමින් ඉන්සියුලින් නිෂ්පාදනය විධිමත් කිරීමට සමත් වන බවයි. එම නිසා උදෑසනය කරපිංචා යුෂ වීදුරුවක් හෝ කරපිංචා කැඳ පානයක් ආහාරයට ගන්න.

රට ඉඳි
උදෑසන හිස් බඩට රට ඉඳි ගෙඩියක් ආහාරයට ගන්නේ නම් හිමොග්ලොබින් මට්ටම වර්ධනය කිරීමට එය උපකාරි වෙයි. රට ඉඳිවල අඩංගු යකඩ පෝෂ්‍ය සංඝටක මෙයට බලපායි.

දෙහි යුෂ පානය
උදෑසනම සාදා ගන්නා දෙහි යුෂ පානයක් සමඟ සුදු ලූනු ස්වල්පයක්
සපන්න. තරබාරු කමින් පීඩා විඳින්නන්ට මෙය කදිම ඔෟෂධයක්. සිරුරේ මේදය දහනය කර රුධිර ගමනාගමනය විධිමත් කිරීමට මෙය සුදුසුම පානයක්.

දුරු පානයක් (සූදුරු – මහදුරු)
දුරු පොටෑසියම් අඩංගු ඔෟෂධීය රසකාරකයක්. දුරු පානයකි. රුධිර පීඩනය පාලනය කර හෘද ස්පන්දනය ප්‍රශස්ත මට්ටමක පවත්වා ගෙන යෑමට උපකාරි වෙයි.

කෝමාරිකා
කෝමාරිකා මද කැබැලි මේස හැඳි 2ක් දුරු තේ හැන්දක් හා මඳ රස්නෙ වතුර කෝප්ප 1/2ක මිශ්‍ර කර මෙම පානය සාදා ගන්න. තරබාරුකම පාලනය කර ගැනීමට මෙය උදෑසනම පානය කරන්න.

වියළි මිදි
රැයක් වතුරේ පොඟවා තැබූ වියළි මිදි ආහාරයට ගැනීමෙන් මල බද්ධය පාලනය කරයි. කෙඳි සහිත පලතුරක් වන නිසාම ස්වාභාවිකව ජීර්ණ පද්ධති ක්‍රියාවලියද පහසු කරවයි.